تهرانین واسطه‌چی‌لیک تکلیفی جوابسیز قالدی؛ عراقچی مصرین یمن ساواشینا قاتیلماسی حاققیندا او
ایران ایسلام جمهوریتی خاریجی ایش‌لر باخانی عباس عراقچی آچیقلاییب، سعودی عربیستان و یمن حوثی‌لری تهرانین ایکی طرف آراسیندا واسطه‌چی‌لیک ائدیب توققوشمالارا سون قویماق تکلیفینه (پیشنهادینا) ایندیه‌دک جواب وئرمه‌ییبلر.
او، مصرین حوثی‌لره قارشی ساواشا قاتیلما احتمالی حاققیندا اویاراراق، هر هانسی بیر خاریجی موداخیله‌نین دورومو داها دا قاریشیق حالا گتیره‌جگینی دئییب. عراقچی همچنین ادعا ائدیب قاهیره داها اؤنجه تهرانا یمن ساواشینا بیر‌باشا قاتیلماياجاغی حاققیندا گوونجه وئریب.
بو آچیقلامالار مصرین سعودی عربیستانین گوونلیگینی قوروماغا دستک وئرمه‌یه حاضیر اولدوغونو بیلدیردیگی بیر زاماندا سسلندیریلیب.
