آوسترالییا آذربایجان آسوسیاسییاسی ۲۷ سئنتیابر آنیم گونو ایله باغلی بیانات یاییب
گادتب: آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکائیل بی اویتا ۲۷ سئنتیابر آنیم گونو ایله باغلی بیانات یاییب.
بیاناتی اولدوغو کیمی تقدیم ائدیریک:
بیز، آوسترالییادا فعالیت گؤسترن آذربایجان دیاسپور تشکیلاتی اولاراق، ۲۷ سئنتیابر – آنیم گونو موناسیبتیله آذربایجانین اراضی بوتؤولویو و سووئرئنلیگی اوغروندا حیاتینی ایتیرمیش بوتون شهیدلریمیزین عزیز خاطرهسینی درین حؤرمت و احتیراملا یاد ائدیریک.
آذربایجان خالقی اوزون ایللر عرضینده تورپاقلارینین ایشغالی، یوز مینلرله سویداشیمیزین اؤز دوغما یوردلاریندان مجبوری کؤچکون دوشمهسی و بئین الخالق حقوقون فوندامئنتال پرینسیپلرینین پوزولماسی ایله اوزلشمیشدیر. موناقیشهنین صلح یولو ایله حلی ایستیقامتینده اوزون ایللر آپاریلان سعیلره باخمایاراق، عدالتلی و داواملی نتیجهیه نایل اولماق مومکون اولمامیشدیر.
۲۷ سئنتیابر ۲۰۲۰-جی ایلده باشلایان ۴۴ گونلوک وطن محاربهسی آذربایجانین اراضی بوتؤولویونون برپاسی ایستیقامتینده تاریخی مرحله اولموشدور. آذربایجان خالقینین بیرلیگی و همرأیلیگی، سلاحلی قوهلریمیزین فداکارلیغی و وطن اوغروندا جانلاریندان کئچن شهیدلریمیزین قهرهمانلیغی اؤلکهمیزین تاریخینده موهوم ایز قویموشدور. ۲۷ سئنتیابرین آذربایجان رئسپوبلیکاسیندا آنیم گونو کیمی قئید ائدیلمهسی ۲ دئکابر ۲۰۲۰-جی ایل تاریخینده پرئزیدئنت سرهنجامی ایله تسیس ائدیلمیشدیر.
عینی زاماندا، بیز بئین الخالق حقوقون نورما و پرینسیپلرینین بوتون دؤولتلره موناسیبتده برابر و آردیجیل شکیلده تطبیق ائدیلمهسینین واجیبلیینی وورغولاییریق.
بیرلشمیش میللتلر تشکیلاتینین سندلرینده آذربایجان اراضیلرینین وضعیتی ایله باغلی موختلیف قرار و سندلر قبول ائدیلمیشدیر.
آوسترالییا آذربایجان– آسوسیاسییاسی اینج. اولاراق، بئین الخالق ایجتیماعیتی صلحون، تهلوکسیزلیگین، دؤولتلرین سووئرئنلیگینه و اراضی بوتؤولویونه حؤرمتین، ائلهجه ده بئین الخالق حقوقون فوندامئنتال پرینسیپلرینین قورونماسینا داواملی دستک گؤسترمهیه چاغیریریق.
آوسترالییادا یاشایان آذربایجانلیلار اولاراق، بیز میللی بیرلیگیمیزی و همرأیلیگیمیزی قوروماغی، آذربایجانین مؤوقئعیینی بئین الخالق ایجتیماعیته چاتدیرماغی، تاریخیمیزین و میللی یادداشیمیزین گلهجک نسیللره اؤتورولمهسینی موهوم معنوی بورج حساب ائدیریک. عینی زاماندا، جنوبی قافقازدا داواملی صلحون، سابیتلیگین و قارشیلیقلی حؤرمتین برقرار اولماسینی دستکله ییریک.
بو علامتدار گونده وطن اوغروندا حیاتینی ایتیرمیش بوتون شهیدلریمیزین عائلهلرینه و یاخینلارینا درین حوزنله باش ساغلیغی وئریر، اونلارین عزیز خاطرهسی قارشیسیندا احتیرامیمیزی بیلدیریریک. شهیدلریمیزین عزیز خاطرهسی قلبیمیزده ابدی یاشایاجاقدیر.
یاشاسین موستقیل آذربایجان!
یاشاسین ۵۰ میلیون آذربایجان خالقینین بیرلیگی و همرأیلیگی!
میکائیل اویتا
آووسترالیا آذربایجانلیلاری آسوسیاسییاسی پرزیدنتی
