گونئی آذربایجان دئموکراتیک تورک بیرلیگی (گادتب) ۸ نویابر – آذربایجانین ظفر گونو موناسیبتیله تبریک مئساژی یاییب
گادتب: گونئی آذربایجان دئموکراتیک تورک بیرلیگی (گادتب) ۸ نویابر – آذربایجانین ظفر گونو موناسیبتیله تبریک مئساژی یاییب. تبریک مئساژینی اولدوغو کیمی تقدیم ائدیریک:
گونئی آذربایجان دئموکراتیک تورک بیرلیگینین ۸ نویابر – آذربایجانین ظفر گونو موناسیبتیله تبریک مئساژی
آذربایجان اوردوسونون ایکینجی قاراباغ محاربه‌سین‌ده مثل‌سیز غلبه‌سی نتیجه‌سین‌ده ۸ نویابر آذربایجان‌دا ظفر گونو کیمی تاریخه دوشموش‌دور. ۲۰۲۰-جی ایلده ۴۴ گونلوک وطن محاربه‌سین‌ده آذربایجان اوردوسو قهر‌مان‌لیقلا ایشغال‌دا اولان تورپاقلاریمیزی آزاد ائتمیش‌دیر.
گونئی آذربایجان دئموکراتیک تورک بیرلیگی اولاراق، بو علامتدار گون‌ده آذربایجانین مظفر پرئزیدئنتی، عالی باش کوماندان جناب ایلهام علیئوی، قهر‌مان آذربایجان اوردوسونو و ۵۵ میلیونلوق آذربایجان میللتینی صمیمی-قلب‌دن تبریک ائدیر، بو تاریخی غلبه‌نین سئوینجینی بؤلوشوروک.
آذربایجان اوردوسونون گؤستردیگی قهر‌مان‌لیق، فداکارلیق و عزمکارلیق خالقیمیزین یادداشین‌دا ابدی یاشایاجاق‌دیر. وطن اوغرون‌دا جانین‌دان کئچن شهیدلریمیزی درین احتیراملا یاد ائدیر، قاضیلریمیزه ساغلیق و شفا دیله ییریک.
بو ظفر آذربایجان میللتینین میللی ایراده‌سینین، بیرلیگینین و وطن سئوگی‌سینین تجسمودور.
قاراباغ آذربایجان‌دیر!
یاشاسین آذربایجان!
یاشاسین آذربایجان میللتینین بیرلیگی!
گونئی آذربایجان دئموکراتیک تورک بیرلیگی (گادتب)
